HISTORIO
Instituto de Esperanto
La 4an de
oktobro 1910 en Moskvo estis oficiale malfermita kurso de
Esperanto por plenagxuloj sub la nomo de
Instituto de
Esperanto. La permeso de la Ruslanda ministerio pri
popolklerigo No. 28144 estis ricevita la 20an de oktobro 1909. La
fondinto, tenanto kaj sensxangxa direktoro de la Instituto estis
rusa entreprenisto
Aleksandr Andrejevic Sahxarov
[
CaxapoB] (1865 - 1942) -- posedanto de la
librejo Esperanto kaj la cxefredaktoro de la revuo
"La
Ondo de Esperanto".
La Instituto efektivigis dunivelan instruadon kaj atestadon.
Elementa kurso (16 - 24 lecionoj
po 1,5 h) por personoj, ne konantaj fremdajn lingvojn kaj ecx
nebone konantaj la gramatikon de la rusa lingvo. Cxi tie oni
precipe atentis la lingvan strukturon de Esperanto kompare kun la
rusa lingvo kaj la praktikan aplikadon de Esperanto en komunikado
kaj afer-korespondado. La kurso dauxris 2 - 3 monatojn.
Speciala kurso celis preparadon de
instruistoj. Gxi havis 3 cxefajn studobjektojn: teorio de
Esperanto, historio kaj disvastigo de Esperanto, literature en
Esperanto.
La Instituto cxiam restis ne pli ol malgranda privata lernejo,
cxar nek la kvanto de la lernantoj (cx. 80 en la unua jaro, cx.
50 en sekvantaj jaroj), nek tiu de la instruistoj (maksiniume
6 - 7, inkluzive de Saharov mem), nek la skalo de la
agado estis grandaj.
Pago: 4 rubloj monate por 2 lecionoj
semajne. Oni ekzamenis ankaux auxtodidaktojn laux la programo de
la elementa kurso (5 rubloj) kaj laux la programo de la kurso
speciala (10 rubloj). La instrurajta ekzameno (nur en Esperanto)
konsistis el du partoj: skriba (auxtobiografio kaj skizo pri unu
el la proponitaj temoj) kaj busxa (legado, traduko, rerakonto de
eroj el la
"Fundamenta krestomatio";
etimologia kaj sintaksa analizo de apartaj frazoj; historio de
Esperanto kaj de ties literaturo; planado kaj realigo de tipa
leciono).
Post la bolsxevista revolucio (1917) la Instituto apenaux povis
normale funkcii, precipe post kiam estis konfiskita la librejo
(la financa bazo de la tuta entrepreno de Sahxarov) kaj la ejo de
la Instituto. Fakte gxi cxesis funkcii en la periodo de la
interna milito kaj ekonomia krizo en Ruslando, kvankam ankoraux
en 1921 okazis kelkaj kunvenoj de la pedagogia konsilio, estis
organizitaj esperanto-rondetoj en Moskvo ktp. Cxiuj provoj ricevi
sxtatan subtenon malsukcesis. La punkto estis metita en 1924,
kiam incendio pereigis la ampleksajn arkivojn de la Instituto kaj
de
"La Ondo de Esperanto".
Post la malfermo de la Instituto oni sendis sur la oficiala
blank-folio de la Instituto jenan salutleteron al
L.L.
Zamenhof:
/X-1910 j.
Moskvo
Altestimata Majstro
La instruantaro de la Moskva "Instituto [de]
Esperanto", komencinte instruadon en la Instituto, sendas al
Vi sian respektplenan saluton, promesante ciam labori por
triumfigi Vian genian kreitajxon.
A.Saharov,
G.Smirnov,
Ajspurit,
Gabrik
Responde estis ricevita posxtkarto kun saluto de la
"Majstro"
mem.
24/X-10
Varsovio
Kara sinjoro!
Akceptu mian koran gratulon okaze de la malfermo de Via Instituto
Esperanto. Ni esperu, ke la Instituto alportos kontentecon al Vi
kaj grandan utilon al la Esperanta afero en Rusujo.
Via L.Zamenhof
Historio.ru — история отечественного движения эсперантистов (Российская империя, СССР, РФ).