NIKOL'SKIJ Roman
(Pri li - vidu: Ulrich LINS "Dangxera
Lingvo" [pp. 236(n.1+n.2), 237, 238,
268(n.2), 281, 289, 290, 369(n.1), 390, 393] )
El lia persona krimdosiero No. 964770 (Akuzita laux art.
58-6, 58-8, 58-11 de KK RSFSR)
NIKOL'SKIJ Roman Borisovicx, naskigxis la 20-an de
aprilo 1902 [20.04.1902] en Leningrado, ruso, senpartiano, meza
klero, laboris kiel vic-librotenisto en la 11-a tipografio de "Mospoligraf"
[sxtata firmao], logxis: u. Moskvo, Malyj Kozihxinskij
per., d.4, logx. 18. [per. = strateto]
La 17-an de februaro 1938 per Moskva regiona filio de NKVD, kiel
membro de kontrauxrevolucia, trockiista terorista spiona
organizajxo, estis arestita NIKOL'SKIJ R.B.,
nask. 1902, en Leningrado, ruso, sovetiano, senpartiano, gxis
aresto laboris kiel librotenisto en la 11-a tipografio de
"Mospoligraf", logxinta en Moskvo.
Dum jugxesplorado NIKOL'SKIJ konfesis
sin kulpa je prezentita al li krimo kaj atestis, ke en la
suprenomitan organizajxon li estis varbita en 1926 per gxenerala
sekretario de CK SEU DREZEN, laux kies ordonoj li okupigxis pri
spionado kaj varbado.
Laux propra konfeso de NIKOL'SKIJ,
li varbis en la organizajxon 19 personojn, nome: MAT'JES,
KLASSON, GUTMAN, FAJBYSXEVICX, PAHXTER, ANTONOVICX, SXEVELEV,
SIKORSKIJ, BOBROV, GEORGIEV, GUDKOV, KOZLOV, KROLIK, LARIONOV,
SXIBAEV, ZAHXAROVICX, GDALIN, STOGOV kaj IZMAJLOV
[Videble, tiuj cxi personoj estis liaj E-lernantoj. Tamen
tutcerte li nomis ne cxiujn, ekz., li ne menciis Nikolaj
RYT'KOV-on - NSt.].
Krome, kiel membroj de la supermenciita organizajxo, NIKOL'SKIJ
dum enketado nomis konatajn al li personojn: DREZEN,
DEMIDJUK, NEKRASOV, VARANKIN, BURLJAGOV, SXUMILOV, SAMOJLENKO,
GAVRILOV, USMANOV, SAZONOVA [edzino de DREZEN], INCERTOV, BATA,
URBAN, PODKAMINER, TEMERIN, LISICXNIK, SXABER, SNEJXKO,
KIRJUSXIN, KOLCXINSKIJ, IZGUR, LEBEDEV, JERYUHXIN, GOLDFEDER,
BAJXENOV, RUBLOV kaj SUTKOVOJ.
Ankaux samtempe NIKOL'SKIJ nomis
gvidantojn de l'organizajxo.
Jen, dum enketado la 25-an de februaro li atestis:
": Kun gvidantaro de nia fasxista organizajxo mi konatigxis
pli proksime en 1930, post [mia] translokigxo el Smolensko al
Moskvo. El ili mi konas [jenajn personojn]:
DREZEN, NEKRASOV, DEMIDJUK, BURLJAGOV, INCERTOV,
VARANKIN, USMANOV, SXUMILOV.
Pri ilia aparteno al gvidantaro de la fasxista organizajxo mi
konas, cxar kun cxiuj el ili mi fojfoje renkontigxis dum praktika
kontrauxsovetia laboro".
Pri demando de terorisma agado de l'membroj de l'organizajxo NIKOL'SKIJ
dum la sama enketado atestis:
": Mi konas, ke en nia grupo oni pridiskutis la demandon pri
terorisma atenco kontraux gvidantoj de [kom]partio kaj sovetia
registaro pere de uzado de eksplodemaj materialoj, kiujn devus
liveri membro de la terorisma grupo DEMIDJUK".
En konsisto de la terorisma grupo, kiel atestis plu NIKOL'SKIJ,
krom li, ankaux eniris:
DREZEN, DEMIDJUK, NEKRASOV, INCERTOV
kaj BATA.
Nominte SXUMILOV-on en kvanto de
gvidantoj de l'organizajxo, NIKOL'SKIJ
nenion atestis pri lia praktika krima agado. Kiel oni konstatis
dum jugxesplorado, NIKOL'SKIJ, estante
aktiva membro de l'organizajxo, intencis, laux ordono de DREZEN,
persone atenci terorisman agon kontraux unu el gvidantoj de
[Kom]partio kaj Sovetia registaro [aliloke oni ecx aludas, ke
temis pri I.V.Stalin - NSt.]. Oni ankaux evidentigis, ke NIKOL'SKIJ
transdonis al vizitinta USSR-on germana spiono BESLER
[videble Otto BA:SSLER - NSt.] spionajn
sciojn/informojn pri kvanto [de milittrupoj] kaj dislokacio de
Belorusia Milita distrikto kaj Smolenska garnizono.
Kiel membron de la supremenciita organizajxo NIKOL'SKIJ
estis evidentigita per atestoj
de arestitoj: BATA, DEMIDJUK, NEKRASOV, GUDKOV,
GAVRILOV, SAMOJLENKO,
POLJAKOV, KORUZIN, GOROZEJEV, GUROV kaj FILIPPOV,
kopioj de kies protokoloj
estis aligitaj al krimdosiero de NIKOL'SKIJ.
La 4-an de oktobro 1938 dum kunsido de Milita kolegio de Supera
Jugxistaro USSR NIKOL'SKIJ ankaux konfesis sin kulpa kaj
konfirmis siajn konfesojn, faritaj dum antauxa jugxesploro.
Agnoskinte NIKOL'SKIJ-n kulpa en
efektivigado de krimoj laux art. 58-6, 58-8 kaj 58-11 KK RSFSR,
Milita Kolegio de Supera Jugxistaro USSR verdiktis lin al la plej
alta puno - MORTPAFO.
En la krimdosiero mankas informo pri la plenumo de l'verdikto
rilate al NIKOL'SKIJ.
[Tio tamen signifas nenion. Kutime tiujn cxi verdiktojn de Milita
kolegio SJu USSR oni
plenumis samtage/samnokte laux speciala ukazo de Prezidio
de Supera Konsilio USSR
de la 01.12.1934, akceptita tuj post murdo de S.M.Kirov - NSt.].
*********
Miaj komentoj: Do li naskigxis en Leningrado [certe - tiutempe:
St.Petersburg], sed li
esperantigxis kaj E-aktivis en Smolensko. Tiutempe Smolenska
regiono estis parto de
t.n. "Okcidenta distrikto" (inkluzive orientan parton
de Belorusio), pro tio li bone sciis
tieajn samideanojn. Li estis militisto kaj pro tio
[laux logiko de bucxistoj] li kapablis
organizi kaj efektivigi terorisman atencon - pro tio (krom
"kutimaj" akuzoj - "varbado",
"trockiisma agado", "spionado"), aperies en
lia akuzo ankaux la art. 58-8 [terorisma
agado]. Siatempe li estis tre aktiva en propagando de "enigo"
de Esperanto en Rugxa
armeo. Poste - en "defendo" de DREZEN
kontraux akuzoj de SAT-anoj. Ankaux li famas
pro kelkaj "treege bolsxevismaj" elpasxoj en
sovetia E-gazetaro. Sed li fakte ne estis tre eminenta kaj
influhava figuro en gvidantaro de SEU. - NikSt.